Rastësisht nuk e ka nofkën “Luftëtari”. Mesfushori Valon Behrami është luftëtar i vërtetë në fushë. Kundërshtarët e tij kanë parasysh se përballë tij nuk e kanë të lehtë dhe se nuk do të kursehen në duele, transmeton Koha Ditore.
Kur vjen puna te duelet e suksesshme, mesfushori defensiv është lider në Evropë. Behrami rangohet i treti në renditjen e përgjithshme për duelet e fituara në dhjetë vjetët e fundit. Por nëse merret për bazë koha e kaluar në fushë, ai është lider, pasi ka më pak minuta të kaluara në fushë në 10 vjetët e fundit se dy të parët e listës. Ka mesataren më të mirë të dueleve të fituara.
Qendra e statistikave të futbollistëve “OptaSports” ka nxjerrë të gjitha duelet e lojtarëve nga top-pesë ligat e Evropës: Anglia, Spanja, Gjermania, Franca dhe Italia. Periudha e këtyre dueleve të analizuara është prej edicionit 2008/09 e deri më tash.