NISMA Socialdemokrate – Dega në Prizren, në ambientet e Lidhjes Shqiptare të Prizrenit ka përmbyllur fushatën zgjedhore për zgjedhjet lokale të 17 tetorit.
Kandidati për Kryetar të Prizrenit, Zafir Berisha, tha se me projektin tonë “Shpresë për Prizren” tashmë janë mishëruar gjithë qytetarët e Prizrenit.
“Rikthimi i shpresës në qytetin tonë është domosdoshmëri e kohës, andaj 17 tetori është dita kur qytetarët e Prizrenit do të vendosin për largimin e papërgjegjshmërisë nga komuna jonë dhe kthimin e dinjitetit për qytetin dhe qytetarët”, përfundoi Berisha.
Kryetari i Nisma Socialdemokrate, Fatmir Limaj, kërkoi angazhim të plotë nga kandidatët për Kuvendin e Prizrenit edhe në ditët e mbetura në mënyrë që me 17 tetor ta jetësojmë projektin “Shpresë për Prizren”, dhe në krye të komunës ta vendosim njeriun i cili i ka dhënë shumë Prizrenit dhe vazhdon të mbetet njeriu kryesor në mbështetje të kërkesave të qytetarëve të Prizrenit.