Muzikën e ka pasion të shpirtit. Ai është përdorues i një vegle muzikore, e që kur interpreton me të, ndihet në një botë që pak njerëz mund ta ndiejnë.
Bëhet fjalë për klarinetistin më të mirë që ka për momentin Prizreni, Besnik Bobaj. Ai Klarinetin e sheh si instrumentin më domethënës nga pikëpamja tradicionale, pasi sipas tij po vazhdojnë të ruhen elementet e muzikës popullore e tradicionale.
Mbase vet instrumenti i Klarinetit ka një dimension gjithëpërfshirës në muzikën klasike, moderne, atë xhaz apo edhe popullore, Besniku vazhdon ta zhvilloj mirëfilli profesionin e tij, duke u dëshmuar si Klarinetisti më i kërkuar në Prizren, e jo vetëm.
I diplomuar në Fakultetin e Muzikës, Besniku tashmë është edhe arsimtar i lëndës së Muzikës në SHMU “Mustafa Bakia”, ku pasionin dhe njohuritë e tij vazhdon ti mbjell e zhvilloj edhe te pasionantët tjerë të muzikës.
Madje, pjesëmarrja e tij në ahengje familjare ka bërë që Besniku të jetë më i kërkuari prej Klarinetistëve, për shkak të dimensionit të pastër interpretues që ai përfaqëson dhe mbështet.
Përndryshe ai është i martuar dhe ka dy vajza, e së bashku me familjen e tij të ngushtë jeton edhe nëna e tij.
Rrugëtimi i tij në muzikë ka filluar menjëherë pas përfundimit të luftës, e me ç’rast ka marrë pjesë në organizime të ndryshme muzikore, koncerte, mbrëmje dhe ahengje të shumta familjare.
Ai beson se dashuria për instrumentin e Klarinetit buron nga shpirti, ndonëse beson se do të mund të jetoj edhe një kohë të gjatë me këtë dashuri. Për ata që nuk e dijnë, Besniku interpreton si një mjeshtër i vërtetë edhe me Sanksofon./04online.info/