Lideri i AAK-së Ramush Haradinaj ka udhëtuar të shtunën në Gjermani. Siç merr vesh Gazeta Blic nga burimet e saj, Haradinaj ka udhëtuar i shoqëruar nga një këshilltar i tij në kryeqytetin e Gjermanisë kurse sot pritet që Kryeqytetit të Gjermanisë t’ia mësyejë edhe lideri i LDK-së Isa Mustafa i cili pokështu pritet që të hënën të zhvillojë takime të rëndësishme në Berlin.
Ende nuk është njoftuar për agjendën e Haradinajt dhe Mustafës por as s’është bërë e ditur nëse këta do të kenë edhe takime të përbashkëta me zyrtarë nga Gjermania.
Për dallim nga SHBA-të të cilat javën e kaluar në një mënyrë u prononcuan për krizën politike në Kosovë Evropa dhe shteti më i fuqishëm në BE, Gjermania nuk është prononcuar në mënyrë direkte për krizën në Kosovë. Ka qenë një deklarim i ambasadores gjermane në Prishtinë e cila para dy javësh për media ka deklaruar se “institucionet i bën shumica parlamentare”.