15.6 C
Prizren
E mërkurë, 14 Maj, 2025

Bob Dole e Andreas Schockenhoff urojnë Mustafën

Isa Mustafa-kryeparlamentarKryetari i sapozgjedhur i Kuvendit të Kosovës, Isa Mustafa ka pranuar urime nga Senatori Bob Dole dhe deputeti i Bundestagut, Andreas Schockenhoff.

“Kryetari i Lidhjes Demokratike të Kosovës, Isa Mustafa, pranoi një telegram urimi nga Senatori dhe miku i shquar, Bob Dole. Senatori Dole, uroi Kryetarin Mustafa me rastin e zgjedhjes së tij në postin e Kryetarit të Kuvendit të Republikës së Kosovës. Senatori Dole, gjithashtu cilësoi kryetarin Mustafa si lider dhe vazhdues të denjë të trashëgimisë rugoviane”, thuhet në një njoftim nga LDK.

Gjithashtu shtohet se kryetari Mustafa gjatë ditës së djeshme pranoi urime edhe nga deputeti i Bundestagut, Andreas Schockenhoff.

“Dr. Schockenhoff, uroi kryetarin Mustafa me rastin e zgjedhjes në postin e kryetarit të Kuvendit të Republikës së Kosovës, për mesazhin e qartë të kryetarit Mustafa në lidhje me dialogun dhe procesin e implementimit të të gjitha marrëveshjeve dhe përfundimisht normalizimin e raporteve me Serbinë. Dr. Schockenhoff, gjithashtu u zotua dhe shprehu interesim për bashkëpunin të shtuar ndërpartiak”, përfundon njoftimi i LDK-së.

Më Shumë

Pa ujë çdo ditë nga ora 16:00 deri 23:00 në Malishevë – deri në vendosjen e pompave të reja

Kompania Rajonale e Ujësjellësit “Hidroregjioni Jugor” në Prizren ka bërë të ditur se për shkak të mosfurnizimit të rregullt me ujë në disa zona...

Bexhet Xheladini rikandidon për Dragashin nga radhët e LDK-së

Kryetari i Komunës së Dragashit, Bexhet Xheladini ka bërë të ditur se ka gjasa të mëdha që të rikandidojë për një mandat të ri...

Lajmet e Fundit