23.8 C
Prizren
E shtunë, 13 Prill, 2024

Nuk ka vendosur ende për zëvendësimin e Eqrem Kryeziut

Ridvan Hoxha LDKRidvan Hoxha ende nuk ka vendos se a do të jetë apo jo kandidat për kryetar të Degës së LDK-së në Prizren. Thotë se është herët të vendos për hyrjen në garë për këtë pozitë.

“Ka iniciativa edhe për emrin tim,por asgjë nuk kam vendosur për arsye se është ende herët”, thotë Hoxha për “PrizrenPress”

Eqrem Kryeziu muajin e kaluar ka dhënë dorëheqje prej kryetarit të Degës së LDK-së në Prizren. Kryesia Qendrore e këtij subjekti politik, ka marrë vendim që në shtator të këtij viti të mbahen zgjedhjet për zëvendësimin e Eqrem Kryeziut.

Hoxha nuk e përjashton mundësin e kandidimit për kryetar të Degës së LDK-së në Prizren.

“Përndryshe çdo gjë është e mundshme,për arsye se asnjëherë nuk i kam ikur përgjegjësisë që më është afruar”.

“Më vjen mirë që është interesimi i madh për të marre timonin LDK-së në Prizren. Kjo tregon se nuk kemi të bëjmë për ”luftë bërrylash”, por është sinjal fillimit të një fryme të re demokratike”.

Hoxha beson se Kryesia e LDK-së në Prishtinë do të caktojë edhe kritere për kandidatët për kryetar të Degës.

“Mbështetur ne interesimin për kandidatura të mundshme,besoj se Kryesia e LDK-së në Prishtinë do të caktojë edhe disa kritere shtesë për të paraqitur kandidatura për arsye se Statuti i LDK-së neni 44.2 përcakton se kandidaturat duhet të përcaktohen ose të paraqiten”.

”Sipas Statutit kandidimi për kryetar bëhet në Kuvend të Degës. Kandidatura miratohet me 50 % plus 1 të delegatëve të pranishëm”.

“Do të ishte mirë që kandidaturat të paraqiten në fillim të fushatës zgjedhore prej 1 shtatori-përmes nënshkrimeve që së paku 15 nëndegëve të LDK-së prej gjithsej 46 aktive/ në mënyrë që kandidatët të shpalosin programin e tyre para elektoratit te LDK-së. Ky është mendimi im”. /PrizrenPress.com/

Më Shumë

Sot moti me diell, temperaturat deri në 26 gradë Celsius

Moti sot në Kosovë parashikohet të jetë me diell dhe po ashtu edhe me vranësira. Siç bën të ditur Meteo Kosova, era do fryjë kryesisht...

‘DokuFest’ nis përgatitjet për edicionin e ri (VIDEO)

Këto ditë festivali "DokuFest" ka filluar përgatitjet për edicionin e 23'të dhe datat për këtë festival tashmë janë ndarë. Më poshtë ndiqeni kronikën e përgatitur...

Lajmet e Fundit