17.8 C
Prizren
E enjte, 25 Korrik, 2024

Britania e miraton pilulën e parë kundër Covidit

Rregullatori mjekësor britanik e ka miratuar për përdorim pilulën e parë për trajtimin e rasteve me simptoma të personave të prekur nga Covid-19.

Pilula e quajtur “Molnupiravir” do t’u jepet dy herë në ditë pacientëve të ndjeshëm, që janë diagnostikuar së fundi me sëmundjen e re.

Gjatë testimit klinik, substanca që fillimisht është zhvilluar për ta trajtuar gripin e uli rrezikun për hospitalizim ose vdekje për rreth 50 për qind, shkruan “BBC”.

Sekretari britanik i Shëndetësisë, Sajid Javid, ka thënë se ilaçi i ri është ndryshues i lojës për pacientët më të ndjeshëm dhe për ata me imunitet të dobësuar.

“Sot është një ditë historike për vendin tonë, pasi Mbretëria e Bashkuar tani është shteti i parë në botë që miraton një substancë anti-virale që mund të merret në shtëpi për Covid”, ka thënë ai përmes një deklarate.

 

Ilaçi “Molnupiravir”, i zhvilluar nga kompania amerikane e ilaçeve, “merck”, është substanca e parë anti-virale orale që i kushtohet trajtimit të Covid-it.

Pilula është zhvilluar në atë mënyrë që të vendosë gabime në kodin gjenetik të virusit, duke ia parandaluar përhapjen në trup.

Më Shumë

Rreth 60 aksidente trafiku për 24 orë

Brenda 24 orëve në Kosovë u shënuan 59 aksidente trafiku. Kështu bën me dije raporti i policisë. Po ashtu u regjistruan 24 aksidente me të lënduar...

Ndërprerje të ujit të pijshëm në disa fshatra të Prizrenit, shkak dëmtimi i gypit

Kompania "Hidroregjioni Jugor" në Prizren ka njoftuar konsumatorët se për shkak të dëmtimit të gypit cili e furnizon stacionin e pompave "SOZI" nga persona...

Lajmet e Fundit