Një femër britanike është shfaqur në një ekspozitë fotografike, pasi ka rritur mjekrën e saj për 7 vjet rresht. Harnaan Kaur është gruaja e vetme në këtë koleksion fotografish, duke iu kundërvënë kritikave mbi pamjen e saj.
23-vjeçarja nga Slough, Berkshire në Angli e ka rritur mjekrën që prej moshës 16-vjeçare, pasi u diagnostikua me sindromën e ovarieve policistike, një sëmundje që shkakton rritje të qimeve.
Zonjusha Kaur është një nga 60 gratë që ka zgjedhur të marrë pjesë në ekspozitën e quajtur “Project 60”.
“Është e pabesueshme të jesh femra e vetme mes këtyre burrave me mjekra. Kjo më bën të ndihem e fortë”, u shpreh britanikja.
“Dhe rritja e ndërgjegjësimit për një kauzë të tillë është qershia mbi tortë”, vijoi ajo.
Sindroma e Ovarieve Policistike
Kjo sindromë është një sëmundje që prej ovarit (vezoret) e femrave dhe ka tre karakteristika. Së pari, shkakton ciste në vezore, vezoret nuk i lëshojnë vezët normalisht dhe nivele të larta të hormoneve mashkullore (androgjët). Sindroma shoqërohet me nivele të parregullta të hormoneve, ku bën pjesë edhe insulina. Nuk ka kurë për këtë sëmundje, por mjekimet përdoren për të trajtuar simptomat, si rritja e qimeve dhe problemet e fertilitetit.