Ylli i Pop–it Britney Spears është zyrtarisht single, pasi raportohet të jetë ndarë nga regjizori Charlie Ebersol.
Ata ishin bashkë prej 8 muajsh, ndërsa Britney kishte deklaruar disa herë se ndihej më e lumtur se kurrë.
Por sipas raportimeve të amerikanes “Us Weekly”, çifti i ka dhënë fund historisë së dashurisë. Këtë e përforcon edhe më shumë fakti se këngëtarja 33–vjeçare, ka fshirë çdo postim të saj me Charlie–n.
Ky lajm vjen vetëm pak javë pasi në internet u përhapën zërat se Charlie po planifikonte që t’i kërkonte yllit të pop–it të martohej me të. Arsyet e ndarjes mbeten ende të panjohura.