Instituti Demokratik i Kosovës (KDI) ka vlerësuar se kryetari i Prizrenit, Ramadan Muja ka filluar t’i kërcënon dhe shantazhoi këshilltarët e Asamblesë Komunale.
Përfaqësuesi i KDI-së, Naim Cahanaj tha se sjellja e kryetarit Muja, ndaj këshilltarit dhe Shefit të GP të Bashkimit Demokratik, Osman Hajdarit, nuk mund të cilësohet ndryshe, përveç si kërcënim dhe shantazh.
“Reagimet e tilla të krytarit të Komunës, Ramadan Muja nuk mund të cilësohen ndryshe, pos kërcnim dhe shantazh ndaj anëtarëve të Kuvendit të Komunës”, tha Cahanaj për “PrizrenPress”.
Këshilltari i BD-së,Osman Hajdari është kërcënuar dje nga kryetari i Prizrenit, Ramadan Muja.Hajdari shkaktoi nervozë dhe reagimin e kryetarit Muja, kur nga foltorja e pyeti atë se kur duhet një zyrtar i lartë publik duhet të jap dorëheqje.
Ndërkaq, Muja nga vendi replikoi duke i thënë të mos shtirej i mençur dhe të mbyllë gojën . “Mylle gojën mos m’shtin me të fshi përpara”, i ka thënë Muja, Osmanit.
Në shenjë revolte me sjelljen jo të mirë të Mujës, këshilltarët e opozitës kanë braktisë punimet e Kuvendit. Ata i kanë bërë thirrje Mujës që të mos kërcënoi dhe shantazhoi këshilltarët.
Edhe përfaqësuesi i KDI-së në Prizren , Naim Cahanaj kërkon nga kryetari Ramadan Muja, që të mos i praktikoi kërcnimet dhe shantazhet ndaj këshilltarëve të Kuvendit Komunal. /PrizrenPress.com/