“Ndihem krenar, i lumtur dhe me fat që ju kam pasur gjithmonë afër meje. Zoti ju ruajtë juve dhe familjet tuaja dhe Zoti bekoftë Atdheun tonë te dashu”
19:32, 10 Tetor 2017
Lorik Cana ka falënderuar të gjithë ata që e mbështetën në rrugëtimin e tij si futbollist, përmes një shkrimi në llogarinë e tij në Facebook.
Ish-kapiteni u përshëndet me tifozët dhe bashkëlojtarët në ndeshjen ndaj Italisë, me një ceremoni të organizuar nga Federata Shqiptare e Futbollit.
“Të nderuar miq vëllezër e motra, do të kisha shumë dëshirë të gjej fjalët dhe mënyrën për të shprehur mirënjohjen time të thellë për të gjithë juve që keni qenë pjesë e rrugëtimit tim dhe karrierës sime si futbollist, duke filluar nga familja ime e mrekullueshme , miqtë e mijë, bashkëlojtarët, trajnerët, bashkpunëtorët, tifozët dhe çdo Shqiptar, për respektin, dashurinë dhe forcën që më keni dhuruar gjatë gjithë këtyre 14 viteve te karrierës sime sportive. Ndihem krenar, i lumtur dhe me fat që ju kam pasur gjithmonë afër meje. Zoti ju ruajtë juve dhe familjet tuaja dhe Zoti bekoftë Atdheun tonë te dashur.
FALEMINDERIT për gjithë Juve”