Ditë më parë ambasadori britanik në Kosovë Ian Cliff në një intervistë për Kohën Ditore tërhoqi vërejtjen se Lista Serbe nuk dihet të jetë faktor për krijimin e qeverisë së re të Kosovës.
Ai pati bërë të ditur se Lista Serbe, duhet kjo listë duhet të jetë në qeveri, por se, me 9 deputetë në Kuvend, nuk mund të jetë përcaktuese, raporton KTV.
“Nëntë nga dhjetë deputetët e zgjedhur në Kuvendin e Kosovës janë nga Lista Serbe. Kështu që mendoj se do të ishte mirë që këta serb të futen nën ombrellën e Kosovës dhe kjo listë të bëhet pjesë e qeverisë. Por mendoj se Lista Serbe duhet të presë dhe të shohë se si do të shkojnë negociatat për krijimin e qeverisë mes partive shumicë shqiptare dhe pastaj eventualisht t’i bashkohen edhe ata.
Nuk mendoj se është gjë e mirë që Lista Serbe të jetë partia vendimtare për qeverinë e ardhshme”, kishte thënë Cliff dy javë më parë. Por, nëse jo në përcaktimin e qeverisë, Lista Serbe me vetëm 9 deputetë sot u bë përcaktuese e seancës konstituive duke i siguruar kështu Beogradit mundësinë që të interferojë në agjendën e Kuvendit të Kosovës.