Hillary Clinton dhe Angela Merkel, janë propozuar që të shpallen qytetare të nderit në Prizren.
Kuvendarët Naser Bresa (AKR) dhe Azzam Dida (PD) në seancën e fundit të Kuvendit të Prizrenit, kanë rikonfirmuar kërkesën e tyre, që këto dy personalitete të politikës botërore të nderohen në Prizren.
“Këto dy figura të politikës kanë kontribuar në ndërtimin e shtetit të Kosovës”, tha Bresa.
Ai ka ftuar kolegët e tjerë që të mbështesin këtë propozim.
“Shpresojmë se ky propozim do të vlerësohet dhe do të marrë dritën e gjelbër nga Komuna e Prizrenit”. /PrizrenPress.com/