Kuvendarja Ajshe Shala ka braktisur AAK-në në Prizren. Ajo tregon se arsye kryesore që e ka detyruar të marrë këtë vendim, ka qenë “privatizimi i Degës së AAK-së”.
“Udhëheqja e Degës së AAK-së në Prizren drejtohet sikur me qenë pronë private e individëve”, tregon ajo për “PrizrenPress”.
Ajshe Shala dje ka dhënë dorëheqje edhe nga Grupi Parlamentar i AAK-së në Kuvendin e Prizrenit. Ajo ka deklaruar se interesin e qytetarëve do të mbrojë si e pavarur.
“Do të vazhdoj me ngulm, por si e pavarur me qenë syri, veshi dhe goja e votuesit dhe qytetarit tim që i dua sepse ata më besuan”, shprehet ajo.
“Qytetarët kurrë nuk më lanë vetëm,prandaj do të punoj që interesin e tyre të përfaqësoj e pavarur”.
Shala tregon se nga themelimi ka qenë pjesë e AAK-së.
“Nga themelimi kam punuar me përkushtim për AAK-në dhe për këtë nuk më vie keq aspak”, thotë ajo./PrizrenPress.com/