Mes frikës se kriza Ukrainë-Rusi do të ndërpresë furnizimet me naftë dhe gaz në të gjithë botën, çmimet e tyre po rriten.
Si një pikë referimi ndërkombëtar, çmimi i naftës së papërpunuar Brent ka arritur në nivelin më të lartë të shtatë viteve prej 99.38 dollarë për fuçi.
Gati 100 dollarë për fuçi.
RAC, grupi britanik i shërbimeve automobilistike, ka paralajmëruar se rritja e çmimeve të naftës së papërpunuar do të godiste çmimet e benzinës në Mbretërinë e Bashkuar.
Indeksi i aksioneve FTSE 100 në Londër shkoi me 1.4 për qind më pak përpara se të rifitonte terren.
Sakaq, tregjet aziatike të aksioneve u mbyllën me më pak, kurse bursat e Shteteve të Bashkuara të Amerikës u përgatitën për humbje.
Nga ana tjetër, Mbretëria e Bashkuar dhe disa aleatë perëndimorë kanë kërcënuar me sanksione kundër Rusisë, që është eksportuesi i dytë më i madh i naftës pas Arabisë Saudite.
Po ashtu, është dhe prodhuesi kryesor në botë i gazit natyror.