12.8 C
Prizren
E mërkurë, 7 Dhjetor, 2022

“Corriere Della Sera”: Putin po i fryn zjarrit në Kosovë

Njëra prej gazetave më të mëdha në Evropë dhe më e madhja në Itali, “Corriere Della Sera”, ia ka kushtuar një editorial zhvillimeve të fundit në veri të Kosovës, ku ka akuzuar presidentin rus, Vladimir Putin, si fajtorin kryesor për nxitje të konfliktit

Gazetari dhe publicisti, Massimo Nava, e ka quajtur “këmbanë alarmi” krizën e fundit që po ndodh me rastin e dorëheqjes së deputetëve të Listës Serbe, kryetarëve të komunave në veri të vendit, policëve dhe zyrtarëve tjerë të gjyqësorit.

Pas luftës në Ukrainë, gazeta italiane shkruan se mbrapa të gjithë këtij skenari destabilizues në Kosovë qëndron sërish i njëjti akter: Vladimir Putin.

Lista Serbe / Dhanë dorëheqje në Kosovë, por liderët e Listës Serbe marrin rroga të majme nga Beogradi – Këto janë shifrat

Në editorial shkruhet se Kosova është dëshmi ku të drejtat dhe aspiratat e popujve dhe të pakicave bien ndesh me sovranitetin e shteteve.

Gazeta kritikoi ashpër qasjen e shtetit serb: “Ndërkohë Beogradi zyrtar kultivon aspiratat e integrimit evropian, por nuk ia del që ta braktisë pakicën serbe në Kosovë për ta përdorur atë si konsum të nacionalizmit të brendshëm.”

Një zgjidhje e rëndësishme për t’i ndihmuar gjithë këtij ngërçi mes dy vendeve shihet anëtarësimi i këtyre vendeve në BE sipas gazetës italiane.

“Anëtarësimi në BE do të ndihmonte për t’i konsoliduar institucionet demokratike dhe për t’i mbrojtur të drejtat e popujve . Njëherësh, do të bëhej edhe avancimi i sundimit të rendit dhe ligjit në të gjithë rajonin e Ballkanit”, shkruan “Corriere Della Sera”.

Më Shumë

47 vjeçari këput tre gishta në vendin e tij të punës në Prizren

Një rast i rëndë ka ndodhur mëngjesin e sotëm në një fabrikë në fshatin Lubizhdë të Prizrenit, ku një person ka marrë lëndime serioze...

FIFA hap hetimet ndaj Serbisë, nuk ka procedurë për Granit Xhakën

Ndeshja mes Zvicrës dhe Serbisë është kryer të premten mbrëma, por ajo vazhdon të luhet jashtë fushës. Ka qenë një ndeshje shumë e tensionuar, ku...

Moti për sot

Lajmet e Fundit