Edhe një paciente me koronavirus ka vdekur në Kosovë.
Viktima vjen nga komuna e Dragashit, e lindur në vitin 1957 teksa vuante edhe nga sëmundje tjera shoqëruese, shkruan lajmi.net.
Ndërkaq, QKUK ka njoftuar se në Klinikën Infektive janë të shtrirë 12 pacientë me COVID-19.
Njoftimi i plotë:
Klinika Infektive e Qendrës Klinike Universitare të Kosovës, në raportin ditor të datës 7 maj 2020, njofton se në klinikë janë të shtrirë 12 raste me Covid-19 pozitiv.
Gjendja e pacientëve të sëmurë me Covid 19 është si vijon:
9 raste janë në gjendje stabile, 2 raste janë në trajtim me oksigjenoterapi dhe përkujdesje intensive.
Në mjekimin intensiv vazhdon të jetë në gjendje të rëndë dhe përkujdesje intensive një pacient i infektuar me Covid -19, i cili ka sëmundje kronike të veshkëve dhe është në dializë.
Në orët e mëngjesit ka ndërruar jetë pacientja e lindur me 1957 nga komuna e Dragashit, e cila veç infeksionit me Covid-19, ka pasur edhe sëmundje kronike të veshkave dhe sëmundje tjera shoqëruese.
Nga klinika sot do të lirohen 5 pacientë të shëruar nga infeksioni me Covid -19, ndërsa 2 raste të cilët kanë rezultuar negativ ne testimet e fundit per Covid 19 vazhdojnë trajtimin në klinikë.