Futbollisti portugez Cristiano Ronaldo ka rrëmbyer përsëri vëmendjen e përdoruesve në mediat sociale, veç se jo me ndonjë shënim goli, por me krejt diçka tjetër.
Ronaldo, i cili aktualisht është duke luajtur për ekipin arab Al Nassr, ka publikuar disa imazhe në një udhëtim jahti, derisa shihej duke e shijuar goxha shumë rehatinë e tij.
Në fotografitë e ndara me afro 600 milionë ndjekësit e tij, Ronaldo si përherë, ka treguar trupin e tij të formësuar, dhe jo vetëm.
Detaj që u vu re në mënyrë masive nga fansat e Ronaldos, ishin thonjtë e tij të këmbës, të lyer me ngjyrë të zezë.
Ani pse, ai nuk është se po ekspozohet për herë të parë me thonjtë e tij të lyer, përsëri breshëritë e komenteve kritikuese filluan të pushtonin postimin e ikonës së futbollit.
“Hej, pse i lyen thonjtë o vëlla?”, pyeti një fans i intriguar nga detaji, derisa një tjetër fanse shkroi – “Thonjtë e lyer, o fisniku im?”.
Një tjetër u shpreh – “Legjendë futbolli me thonjë të ngjyrosur? Nuk ka shanse”, shtoi një tjetër ndjekës.
Por, pse i lyejnë atletët thonjtë e këmbës?
Sipas një burimi përmes gazetës gjermane Bild, atletët lyejnë thonjtë e tyre ose i mbulojnë me një shtresë mbrojtëse për të mbrojtur thonjtë e tyre nga kërpudhat dhe bakteret.
“Shumë atletë të mirë e bëjnë këtë për të mbrojtur thonjtë e tyre nga kërpudhat dhe bakteret kur janë të ngecur në këpucë të djersitura për orë të tëra”, kishte thënë një dermatolog për Bild.