Ballkani do ta zhvillojë nesër ndeshjen e rëndësishme në Ligën e Konferencës ndaj Sivassporit.
Pas një fitoreje dhe një barazimi, ekipi suharekas do ta kërkojë fitoren e parë në këtë garë, shkruan Gazeta Express.
Në konferencë për media, trajneri i Ballkanit, Ilir Daja tha se synimi i Ballkanit është të bëjë një eksperiencë të mirë.
“Duke u nisur nga fakti se për ne është eksperienca e parë. Ballkani merr pjesë për herë të parë në Evropë. Kundërshtarët kanë qenë mjaft të fortë. Kemi bërë një lojë të mirë. Synimi i Ballkanit është të bëjmë një eksperiencë të mirë. Në këtë moment është të paraqitemi sa më mirë, të përfaqësojmë edhe Kosovën në mënyrën më të mirë. Shpresojmë se herave të tjera ta kemi synim kalimin e grupit”, ka thënë Daja në konferencë për media.
