16.8 C
Prizren
E enjte, 28 Mars, 2024

Dënohen me 900 euro gjobë tre të akuzuarit që rrahën gjyqtarin gjatë ndeshjes së futbollit në Prizren

Tre të akuzuarit J.V., N.K. dhe G.H., janë dënuar secili me nga 300 euro gjobë, pasi kanë pranuar se në nëntor të 2019-ës, në stadiumin e qytetit “Përparim Thaqi” në Prizren, gjatë ndeshjes së futbollit ndërmjet klubeve KF “Opoja” dhe KF “Rilindja e Kosovës”, në bashkëkryerje kanë rrahur gjyqtarin e ndeshjes, të dëmtuarin D.H.

Një vendim i tillë është marrë më 23 shkurt të këtij viti nga gjykatësi i Gjykatës Themelore në Prizren, Fatmir Krasniqi, raporton “Betimi për Drejtësi”.

Sipas këtij aktgjykimi të siguruar nga “Betimi për Drejtësi”, tre të akuzuarit në seancën fillestare e kanë pranuar fajësinë me të cilën ngarkoheshin.

Ndërkaq, i dëmtuari D.H., për realizimin e kërkesës pasurore-juridike është udhëzuar në kontest civil.

Prokuroria Themelore në Prizren, më 23 qershor 2021, ka ngritur aktakuzë ndaj J.V., N.K. dhe G.H., me arsyetimin se në nënor të 2019-ës, në stadiumin e qytetit “Përparim Thaqi” në Prizren, në bashkëkryerje dhe duke përdorur forcën e i shkaktojnë lëndime trupore të dëmtuarit, gjyqtarit të ndeshjes, D.H.

Sipas prokurorisë, në ndeshjen e futbollit ndërmjet klubeve KF “Opoja” dhe KF “Rilindja e Kosovës”, derisa gjyqtari D.H. ishte duke referuar ndeshjen, në minutat shtesë të lojës, në monentin kur i njëjti e ndëshkon me karton të kuq të akuzuarin J.V. për shkak të sjelljeve të tij josportive, ky i fundit (i akuzuari J.V) fillon ta fyejë gjyqtarin e më pas edhe e sulmon atë duke e goditur me grushte në kokë.

Në kët momente, sipas prokuroisë për ta sulmuar gjyqtarin e ndeshjes vrapojnë edhe të akuzuarit N.K. dhe G.H., të cilët po ashtu e shajnë dhe e fyejnë të dëmtuarin, të cilin më pas e godasin me shqelma dhe grushte në pjesë të ndryshme të trupit duke i shkaktuar lëndime të lehta trupore.

Me këtë, J.V., N.K. dhe G.H., akuzoheshin se në bashkëkryerje kanë kryer veprën penale “Lëndimi i lehtë trupor”, nga neni 185 paragrafi 1 nënparagrafi 1.4 lidhur me nenin 31 të Kodit Penal. /BetimipërDrejtësi

Më Shumë

 Marrëveshje për zhvillim ekonomik dhe inovacion në Prizren

Kryetari i Prizrenit, Shaqir Totaj ka nënshkruar sot një Marrëveshje të Mirëkuptimit me Innovation and Training Park (ITP) dhe Makerspace – Innovation Center Prizren për të bashkëpunuar në agjendën digjitale të...

Hovenier për masakrën e Krushës: NATO reagoi për të ndaluar gjakderdhjen

Ambasadori amerikan në Kosovë, Jeffrey Hovenier ka thënë se inaugurimi i Muzeut të Masakrës së Krushës së Madhe të Rahovecit, i dokumenton këtë ngjarje...

Dhimbja

Lajmet e Fundit