Këta dëshmitarë na kanë dërguar edhe pamjet e djegies së autobusit që ishte përfshirë i tëri në zjarr.
Në vendngjarje kanë dalur zjarrëfikësit të cilët janë angazhuar në shuarjen e zjarrit.
Zëvendësi i Policisë së Kosovës për rajonin e Prizrenit, Vesel Gashi ka treguar detaje lidhur me djegien e autobusit në Zhur të Prizrenit.
Gashi ka treguar se rasti ka ndodhur rreth orës 22:00, por nuk është raportuar për të lënduar derisa në vendin e ngjarjes policia dhe zjarrëfikësit po punojnë që të shuhet zjarri.
“Po është djegur një autobus.
Njësitet e Policisë dhe Zjarrfikësit janë në vendin e ngjarjes, sepse rasti është raportuar diku rreth orës 22. Persona të lënduar nuk ka.
Në lidhje me shkaktarin e zjarrit, janë ekipet e specializuara nga njësia e preventivës të cilët do të tregojnë”, ka treguar Gashi.
“Ende është duke u punuar në vendin e ngjarjes të shuhet zjarri.
Rasti është në rrugën Zhur – Prizren, por vija e rregullt është Dragash – Prizren – Beograd”, ka treguar Gashi
