Një aksident komunikacioni ka ndodhur sonte në rrugën “Tirana” në Prizren, si pasojë e të cilit ka ardhur deri te ndezja e veturës, por fatmirësisht nuk ka viktima.
Zëdhënësi i policisë për Prizren, Hazir Berisha, ka konfirmuar përmes telefonit për KosovaPress se rasti ka ndodhur në orët e mbrëmjes.
“Aksidenti ka ndodhur në rrugën “Tirana”. Vetura më pas është përfshirë nga flakët e zjarrit, por nuk ka viktima. Janë disa të lënduar, por ende nuk kemi të konfirmuar numrin e tyre të saktë”, ka thënë Berisha.