Drejtoria Komunale e Arsimit në Suharekë, edhe sivjet ka ndarë bursa për nxënës e studentë. Për dallim nga vitet tjera sivjet janë ndar 150 bursa, prej të cilëve 100 për studentë dhe 50 nxënës.
“Për të përfituar një bursë, ka qenë interesim i madh i kandidatëve, pasi gjatë afatit të konkursit kanë aplikuar mbi 400 kandidatë. Komisioni i formuar për ndarjen e bursave pasi ka analizuar secilin aplikacion veç e veç dhe pasi ka shqyrtuar të gjitha kërkesat më pas sipas kritereve ka ndarë 150 bursa”, njofton Komuna e Suarekës.
Përfitues të burses edhe sivjet janë fëmijtë e dëshmorëve (të cilët pa asnjë kriter janë përfitues), rastet sociale dhe me kushte të vështira ekonomike, si dhe studentët dhe nxënësit me sukses më të mirë. /PrizrenPress.com/