13.8 C
Prizren
E martë, 28 Maj, 2024

“DokuFesti” gjen vend në “Prizren 360”

DokufestKomuna e Prizrenit prej të premtes ka gjetur vend edhe për festivalin e filmit dokumentar dhe të shkurtër “DokuFest” në uebfaqen e saj turistike “Prizren 360”.

Bajram Basha nga Drejtoria e Turizmit dhe Zhvillimit Ekonomik ka theksuar se materialet për festivalin janë marrë nga drejtuesit e “DokuFestit” dhe janë postuar në uebfaqen promovuese.

“Çështja është zgjidhur dhe besoj se ky lëshim nuk do të përsëritet më”, ka thënë Basha, i cili pak ditë më parë kishte theksuar se nuk është në dijeni për arsyen që “DokuFesti” nuk ishte përfshirë në uebfaqen promovuese të Prizrenit. Ai ka përsëritur qëndrimin se kjo drejtori ka bashkëpunim të ngushtë me Festivalin e filmit dokumentar dhe se këtë vit planifikon që në kuadër të tij të organizohet edhe panairi i gastronomisë.

Materialet për njërën nga ngjarjet kryesore kulturore në vend janë publikuar në “Prizren 360” pas raportimit të “Kohës Ditore”. Për zhvillimin e kësaj uebfaqeje qenë paguar afër 28 mijë euro nga buxheti lokal, para gati tre vjetësh, derisa në përmbajtjen e saj deri para pak ditësh nuk kishte asnjë fjalë për festivalin, që njihet si njëra prej ngjarjeve kryesore kulturore, që sivjet do të mbështetet nga Qeveria e Kosovës dhe ajo e Shqipërisë,/Koha Ditore/.

Më Shumë

Zbulohen rreth 500 bimë kanabisi në pronën e mërgimtarit në Rahovec

Në fshatin Celinë të Rahovecit  një mërgimtar ka gjetur plot bimë të kanabisit në pronën e tij, të cilët sipas informacioneve të para nuk...

Rrufeja godet një shtëpi në Suharekë

Një shtëpi është përfshirë nga zjarri gjatë ditës së sotme në fshatin Nishor të Suharekës. Dyshohet se zjarri ka ndodhur si pasojë e goditjes së...

Lajmet e Fundit