Në Ulqin u shfaq premiera e filmit dokumentar të prodhimit malazez kushtuar shkrimtarit të njohur shqiptar në hapësirat e ish-jugosllavisë, Esad Mekulit.
Siç bën të ditur “Zëri i Amerikës”, filmin e punoi Televizioni Publik i Malit të Zi në gjuhën malazeze dhe në të u ringjallen kujtimet e një personaliteti të letrave shqipe, i cili ndikoi fuqishëm në afirmimin e kulturave shumetnike në rajon.
Sivjet është 100 vjetori i lindjes së Esat Mekulit.
Autor i këtij dokumentari është shkrimtari Zuvdija Hoxhiq. Esad Mekuli është poeti i parë dhe më i njohur i Kosovës pas Luftës së Dytë Botërore. Ai lindi në Plavë, më 17 dhjetor 1916 dhe vdiq në Prishtinë më 1993.