Përveç se u janë rrënuar vilat, ndërtuesit në zonën turistike në Prevallë, do të përballen edhe me ligjin. Janë 20 kallëzime penale që Ministria e Ambientit ka dorëzuar në Prokurori ndaj ndërtuesve pa leje në Prevallë.
Deri më tani, Prokuroria Themelore e Prizrenit ka ngritur katër aktakuza duke u bazuar në këto kallëzime penale, ndaj atyre që kanë ndërtuar pa leje.
Sylë Hoxha, kryeprokuror në Prokurorinë Themelore në Prizren, konfirmoi për Tribunën se organi i akuzës ka ngritur katër aktakuza ndaj atyre që dyshohet se ndërtuan pa leje në fshatin turistik.
Sipas Hoxhës, Ministria ka dërguar në Prokurori 20 kallëzime penale. “Katër aktakuza janë ngritur, për shtatë raste janë hapur hetime që do të thotë se janë ende në punë, ndërsa një është hedhur poshtë, pasi prokuroria nuk ka gjetur elemente të veprës penale”, thotë Hoxha për Tribunën.
Ai shpjegon se edhe rastet tjera do të shqyrtohen, por më shumë kanë të bëjnë me persona që nuk kanë përfillur udhëzimet e ministrisë, siç janë shenjat e vendosura për mosndërtim