Në qytetin e Prizrenit funksionojnë vetëm tri kamera.
Shtatëdhjetë kamerat e tjera janë të prishura.
Ato qëndrojnë të vendosura në vende të ndryshme të qytetit, mirëpo nuk punojnë.
Lajmi për mosfunksionimin e kamerave, është dhënë nga drejtori i Emergjencës dhe Sigurisë në Prizren, Faruk Dakaj.
Ai, tha se është akuzuar pse ka treguar publikisht që, kamerat nuk punojnë në qytetin e Prizrenit.
“Kam tregur publikisht se kamerat nuk punojnë në Prizren. Mendoj se është më e drejtë me e tregu të vërtetën se sa më e fsheh atë”, tha Dakaj për “PrizrenPress”
Dakaj nuk ka treguar se nga kush është akuzuar .
“ Në mbledhjen e KKSB-së më kanë akuzu”, shpreht ai.
Drejtori Dakaj tregon se kamerat janë trashëguar të prishura nga ish-qeveria e kaluar e Ramadan Mujës.
Ai tha se është duke shikuar alternativa për t’i funksionalizuar kamerat.
“Për shkak rishikimit të buxhetit deri në vitin e ardhshme nuk mund t’i rregullojmë, mirëpo jemi duke shikuar një alternativë tjetër për të zgjidhur këtë problem”.
Policia dhe prokuroria në Prizren, vazhdimisht kanë kërkuar vendosjen ë kamareve në qytetin e Prizrenit. Sipas tyre, mungesa e kamerave po ndikon në moskapjen kryerësve të veprave të ndryshme kriminale./PrizrenPress.com/