Kryetari i Bashkisë së Kukësit, Safet Gjici, ka nderuar sot me mirënjohje drejtorin e Spitalit Rajonal të Prizrenit, doktor Afrim Avdaj.
Kreu i bashkisë Safet Gjici, tha se kjo mirënjohje shkon në shenjë angazhimi, mbështetjeje e shërbimi për banorët e Kukësit dhe pacientët që marrin shërbim në spitalin e Prizrenit.
Gjatë ceremonisë drejtori Afrim Avdaj, u shpreh se ndjehet i privilegjuar dhe mjaft i vlerësuar për mirënjohjen duke mbetur i angazhuar për mbështetje të vazhdueshme ndaj banorëve të Kukësit e më gjerë dhe sipas tij kjo është më e pakta që mund të bëjë, duke rikthyer në kujtesë ngjarjet në Kosovë të vitit 1999 dhe kontributin e kuksianëve gjatë eksodit.
Në Spitalin Rajonal të Prizrenit prej vitesh marrin shërbim qytetarët kuksianë prej të cileve 14 janë të shërbimit të hemodializës.