Në organizim të degës së OVL të UÇK-së në Prizren dhe Kuvendit Komunal të Prizrenit, të martën dhe të mërkurën, me aktivitete të ndryshme do të shënohet 17-të vjetori i “ Epopesë së Vërrinit”.
Ditën e martë aktivitetet do të fillojnë në ora 10:00 me homazhe në varrezat e dëshmorëve në Landovicë.
Në ora 10:30 do të vijohet me nderimet para shtatorës së Heroit të Kosovës, Xhevat Berisha, në ‘Shatërvan’.
Në ora 11:00 do të bëhen vizita pranë lapidarit të dëshmorëve në Lez, ndërsa në ora 11:30 gjithashtu do të nderohen para lapidarit të rënët në fshatin Kushnin.
Ndërkaq, të mërkurën duke filluar nga ora 10:30 minuta do të bëhen nderime para lapidarit të dëshmorëve në fshatin Jeshkovë, ndërsa nga ora 11:30 do të vihet gurthemeli i Kullës Muze, e cila simbolizon qëndresën, heroizmin, trimërinë dhe rezistencën e familjes Shala dhe ushtarëve të Ushtrisë Çlirimtare të Kosovës që është bërë në fshatin Jeshkovë.
Ftohen anëtarët e shoqatave të dala nga lufta dhe qytetarët që të marrin pjesë në shënimin e këtyre ngjarjeve të lavdishme të luftës çlirimtare në këtë zonë të Prizrenit./PrizrenPress.com/