Dy drejtorët e Nismës Socialdemokrate nuk e kanë braktisur qeverinë e kryetarit të Prizrenit, Mytaher Haskuka.
Drejtori i Administratës, Osman Hajdari dhe ai i Kulturës dhe Sportit, Ehat Oreshka, nuk i janë bindur partisë, për shkëputjen e bashkëqeverisjes me Vetëvendosjen.
Ndërkaq, Nisma ka reaguar kundër tyre.
“Siç e dini NISMA në Prizren javën e kaluar i ka dhënë fund bashkëqeverisjes në qytetin e Prizrenit, dhe është përcaktuar që të veprojë si opozitë konstruktive përballë një qeverie të minorancës, e cila tashmë po dëshmohet se është fatkeqësia më e madhe e qytetit tonë”, thuhet në reagim, përcjell PrizrenPress.
“Hipokrizia e Osman Hajdarit dhe Ehat Oreshkës se do të vazhdojnë angazhimet e tyre për shkak të gjoja disa projekteve, në qeverisjen e infantilit politik, tregon adoleshencën e radhës dhe nuk është në përputhje me përcaktimin tonë politik, që ne dhe e keqja ti kenë rrugët e ndara”.
“Dega e NISMA Socialdemokrate në Prizren, është në përgatitje e sipër për zgjedhjet e 6 tetorit dhe është shumë e bindur që me shumë vendosmëri do t’i kalojë të gjitha sfidat dhe pengesat që i dalin përpara për të arritur te objekivat tona, që janë edhe objektiva të qytetarëve të Prizrenit dhe Kosovës”. /PrizrenPress.com/