Vajza e Gent Demaliajt – këngëtarit të grupit “Djemtë e detit”, i cili ndërroi jetë para pak kohësh, Edea Demaliaj, nuk është më pjesë e garës në festivalin e fundvitit në Radio Televizionin Shqiptar.
Në vend të saj, në anën tjetër, është zëvendësuar Orgesa Zaimi- një zë tanimë i njohur prej vitesh në muzikën e rrymës së re në Shqipëri. Orgesa ka qenë pjesëmarrëse aktive dikur në festivalet e ndryshme në Shqipëri, derisa zgjodhi të pauzonte.
Orgesa ka lindur më 1985 ndërsa është e njohur për performancat e saj në “Kënga Magjike”, “E diela shqiptare”, “Top Fest”, “Këngët e Shekullit” etj.
Festivali i fundvitit në Radio Televizionin Shqiptar do të mbahet në fund të këtij viti, prej nga zgjidhet edhe kënga fituese që përfaqëson më pas Shqipërinë në Eurosong Contest 2016, në Stokholm të Suedisë. 43 shtete do të jenë pjesëmarrëse në këtë kompeticion muzikor, ndër më të njohurit në Evropë. /KultPlus.com