Në Kuvendin e Kosovës po mbahet seanca e Kuvendit të Kosovës ku pritet të miratohet në lexim të dytë rishikimi i buxhetit.
Vëmendja kryesore e qytetarëve sa i përket këtij buxheti janë 170 eurot e destinuara për pagat e punëtorëve në bizneset që janë prekur nga pandemia, shkruan lajmi.net.
Deputeti i PDK-së, Bedri Hamza, njëherit ish-ministër i Financave, ka thënë se kjo shumë nuk do të paguhet deri sa të krijohet baza ligjore.
Ai ka thënë se faturën në këtë aspekt po e paguajnë pensionistët, komunitetet dhe
“Ato 170 euro nuk munden me u pagu pa u kriju baza legale. Faturën e paguajtën bizneset dhe të punësuarit në sektorin privat. Faturën e paguajtën pensionistët dhe komunitetet. Ne deklaruam që do ta përkrahim buxhetin pa kushte. I propozuam disa amandamente, mirëpo pjesa dërrmuese nuk u morën në konsideratë”, ka thënë ai.
Kundër rishikimit të buxhetit ka dalë Vetëvendosje, teksa pas përfundimit të diskutimeve pritet të hidhet në votim.