Në Universitetin “Ukshin Hoti” në Prizren, të hënën ka mbajtur ligjëratë me temë “Investimet e huaja në Kosovë dhe nevoja e një tregu të përbashkët shqiptarë”, ekonomisti dhe biznesmeni nga Turqia, Hayri Içli Kelmendi. Ai është me prejardhje nga Kosova.
Fillimisht Kelmendi u takua me rektorin e Universitetit “Ukshin Hoti” në Prizren, Ramë Vataj, i cili e falënderoi atë për vizitën dhe për gatishmërinë për të mbajtur këtë ligjëratë para studentëve të UPZ-së. Ata shprehën gatishmëri që bashkëpunimi në këtë kuadër të vazhdoj edhe në të ardhmen.
Ligjërata e ekonomistit dhe biznesmenit të suksesshëm nga Turqia nxiti kureshtjen e studentëve të drejtësisë dhe të ekonomisë në UPZ.
Në ligjëratën e tij, Kelmendi theksoi se cilat janë parakushtet nga investitorët që kërkojnë të plotësohen nga vendi ku mund të investohet, duke theksuar ndër të tjera, duke filluar nga shteti demokratik ku mbizotëron drejtësia, pastaj ekonomia liberale, barazia e plotë e ndërmarrjeve të huaja me ato vendore, ekzistimi i një vizioni, strategjie dhe plani të qëndrueshëm për zhvillim shoqëroro ekonomik të vendit. /PrizrenPress.com