Brilant Pireva, Hana Zeqa, Lum Çeku, Taulant Bytyqi dhe Yll Xhaferi, janë artistët e ekspozitës kolektive “nji kthesë a dy”, e cila do të mbahet në Qendrën Lumëbardhi në bashkëpunim me kolektivin “Angry Youth”.
“nji kthesë a dy” është ekspozita që përfshin manipulime me hapësirën, instalacione dhe performancë muzikore të dala nga ndërveprimi i tyre me këtë vend.
Kjo është një gjë shumë e mirë, pasi që Lumëbardhi po kthehet në formë të një hapësire kulturore, e cila përmes programit vjetor që përfshin shfaqje të filmave, organizim të ekspozitave, koncerteve, punëtorive, ligjëratave dhe evenimenteve të ndryshme kulturore synon të ri-funksionalizoj Kino-Lumëbardhin.
Ekspozita do të hapet me datën 30 maj me fillim nga ora 20:00, duke vazhduar në orën 21:00 me muzikë të përzgjedhur nga “Angry Youth”, duke bërë kështu përgjatë një muaji të qëndroj e hapur në qytetin e Prizrenit pra deri me datën 1 korrik të këtij viti./PrizrenPress.com/