Duket se rastësisht kanë zgjedhur të njëjtën fabul dhe ide për setet e reja fotografike, në të cilat duken shumë joshëse dhe seksi. Fjala është për këngëtaret Elvana Gjata, Anxhela Peristeri dhe Beatrix Ramosaj, të cilat kanë provokuar në të njëjtën mënyrë.
Elvana dhe Anxhela e kanë bërë provokimin e tyre me anë të fotove, pasi kanë publikuar në të njëjtën kohë setet e reja artistike, të cilat ndoshta i paraprijnë ndonjë projekti të ri artistik të secilës. Elvana vjen me një set të nxehtë në shkretëtirë, pas lançimit të këngës së saj të suksesshme në bashkëpunim me Flori Mumajesin “Kuq e Zi je ti”. Duke lënë mënjanë patriotizmin ajo rikthehet për fansat e saj të shumtë me një fotoshooting shumë “hot”, ku na shfaqet provokuese, pranë një makine që të inspiron për aventurë dhe shpejtësi. Me një fustan të stilistit nga Kosova, Valdrin Sahiti, ajo ekspozon gjoksin dhe këmbët e tonifikuara dhe na shfaqet me pamje ndryshe, dhe gati për aksion.
Fotot janë realizuar nga Eugen Qose, dhe e prezantuar në këtë mënyrë këngëtarja është komplimentuar shumë nga fansat.
Nga ana tjetër në konkurrencë me të shfaqet këngëtarja tjetër e rikthyer nga Greqia pas shumë vitesh, Anxhela Peristeri. Pas suksesit në klipin “Bye bye”, me Marcus Marchado, Anxhela ekspozon gjoksin dhe këmbët në një set shumë provokues fotosh, të realizuara nga Juxhin Kurti. Jo më pak provokuese ka qenë këto ditë edhe këngëtarja e re, Beatrix Ramosaj.
Ndryshe nga dy këngëtaret që ngacmimin na e bëjmë me foto, Beatrix ka ndezur debate nga skena e festivalit “Top Fest”. Ajo kishte zgjedhur një fustan sensual në performancën e saj, ku konkurroi me baladën me titull “Dhoma 609”. Këngëtarja kishte zgjedhur të vishte fustan të kuq dhe të çarë, të cilin e kishte veshur pa të brendshme. Natyrisht që fantazia e publikut ka shkuar shumë më tej, duke e komentuar Beatrixin për arsyen pse kishte zgjedhur të shfaqej pa të brendshme. Por në njëfarë mënyrë ia ka arritur qëllimit, pasi mundi të marrë vëmendjen e publikut, një nga synimet e çdo këngëtari për të bërë bujë. Për më shumë ju mund t’i shijoni vetë fotot e tre këngëtareve.