Sipas kërkesës së Prokurorisë Speciale, Gjykata Themelore në Prishtinë e ka ftuar kryetarin e Gjykatës Kushtetuese, Enver Hasani të paraqitet në Departamentin për Krime të Rënda të kësaj gjykate për shkak të veprës penale Falsifikim i dokumentit zyrtar dhe veprën penale Keqpërdorim i pozitës dhe autoritetit zyrtar.
Në dokumentin të cilin e ka siguruar “Zëri”, Hasanit i kërkohet që të merr pjesë në seancën e 12 majit në Pallatin e Drejtësisë.
Vepra e parë është e fokusuar mbi Lëndën e një kontrate për përkthimin e librave në mes të Universitetit të Prishtinës dhe Institutit të Studimeve Ndërkombëtare nga Tirana, në kohën kur Hasani ishte rektor i UP-së, ndërsa rasti tjetër më i ri është ngritur nga Avokati i Popullit, Sami Kurteshi. /Zëri/