Erërat e forta që kanë përfshirë vendin tonë që nga dita e djeshme, nuk e kanë ndërmend të kalojnë pa dëme materiale.
Pas raportimeve të mëhershme për dëmet e shkaktuara nga erërat e forta në Kabash të Hasit, një lexues të Koha.net ka raportuar për dëme edhe në lagjen Kobajë të Prizrenit.
Ai thotë se nga erërat e fuqishme është rrëzuar minarja e xhamisë së kësaj lagjeje.
“Kështu duket minarja e xhamisë në lagjen Kobajë të Prizrenit pas stuhisë që goditi rajonin e Prizrenit”.
Veç dëmeve në Has e Kobajë, raportohet për dëme edhe në komunën e Malishevës ku shumë shtëpi kanë mbetur pa kulme.