Analistë politikë, por edhe deputetë të koalicionit theksojnë se votimet e parakohshme do ta çojnë drejt dështimit zbatimin e marrëveshjes për ndarjen e pushtetit mes dy partive të mëdha
Futja e vendit në krizë të thellë politike,dhe rrëshqitja drejt zgjedhjeve të jashtëzakonshme në pjesën e parë të këtij viti, do ta bëjë përfundimisht të pavlefshme edhe marrëveshjen politike mes PDK-së dhe LDK-së, sipas të cilës ministri i Jashtëm Hashim Thaçi, njëherësh zëvendëskryeministër i Kosovës, do të duhej votuar për president të vendit.
Deputeti i LDK-së, Adem Salihaj shprehet i sigurt se në rast të imponimit të zgjedhjeve të jashtëzakonshme për këtë vit kalendarik, do të binte nga funksioni edhe marrëveshja për zgjedhjen e Thaçit në pozitën e presidentit të ardhshëm të vendit.
“Ky vit po fillon me një situatë kur ka paralajmërime për protesta e ndoshta edhe zgjedhje të jashtëzakonshme. Në fakt, në zgjedhje të jashtëzakonshme mund ta dërgojë Kosovën vetë PDK-ja, ashtu siç ka vepruar sa e sa herë. Për fat të keq, LDK-ja ka qenë më tepër vëzhguese e këtyre situatave sesa subjekt. Pothuajse përherë LDK-ja ka qenë viktimë dhe i ka bartur pasojat”, tha deputeti i LDKsë për “Kosova Sot”…