Përfundimi i mandatit të misionit të EULEX-it, po komentohet me skepticizëm nga prokurorët, pavarësisht se çfarë flitet nga drejtuesit e lartë prokurorialë.
“Prokuroria, në vitin 2015, do ta ketë më të vështirë dhe jo kaq të lehtë sa e ka pasur tani. Ka për të pasur raste më të vështira se rastet që janë trajtuar deri më sot”, ka thënë një nga prokurorët e shtetit, duke iu referuar lëndëvë të EULEX-it, që do t’i kalojnë Prokurorisë vendore.
Ndërkaq, kryeprokurori i Apelit, Aleksandër Lumezi ka vlerësuar kontributin e tyre të dhënë deri më tani.
“Unë mendoj që EULEX-i ka dhënë një kontribut shumë të madh dhe ende mund të jap kontribut në Kosovë, pasi që ky kontribut, në fusha të caktuara, është ende i nevojshëm në sistemin gjyqësor”, ka thënë Lumezi.
Por pavarësisht, sipas kryeprokurorit të Apelit, prokurorët vendorë duhet të kenë guxim dhe iniciativa për të hetuar edhe lëndët e korrupsionit, lëndët e krimit të organizuar, si dhe lëndët e krimeve të luftës. /Kosova Sot/