Deputeti i “Nisma për Kosovën”, Zafir Berisha, në emisionin “Info Box” të Tv Dukagjini, ka thënë se nëse familjarët e të akuzuarve të Gjykatës Speciale do ta kërkojnë një fajtor se pse familjarët e tyre po akuzohen pa të drejtë nga kjo Gjykatë, atëherë sipas tij, ata fajin duhet ta kërkojnë të dy persona – Isa Mustafa dhe Hashim Thaçi.
Ai ka theksuar se këta dy zyrtarë të lartë të Qeverisë i kanë detyruar deputetët që ta votojnë këtë Gjykatë, përmes se cilës ka thënë Berisha, po tentohet të barazohet lufta çlirimtare me atë okupuese.
“Nuk është e vërtetë se kjo Gjykatë do të merret me hetimin e vrasjeve të kryera pasluftës. Ata që e kanë lexuar ligjin më vëmendje e vërejnë këtë gjë. Zyrtarët e LDK-së, që po thonë se kjo Gjykata Speciale do të merret me hetimin e vrasjeve të pasluftës, po i bëjnë këto deklarata për poena politik, sepse një gjë e tillë nuk do të ndodhë”, tha ai.
I pyetur se cili do të jetë reagimi i opozitës ditëve në vazhdim, Berisha ka theksuar se veprimet e opozitës së bashkuar do të vërehen qysh në seancën e nesërme të Kuvendit të Kosovës – e para për sesionin vjeshtor.
Ai ka shtuar se të gjitha metodat ligjore, seancat e Kuvendit, protestat, për t’i kundërshtuar veprimet e Qeverisë së Kosovës, por se i pyetur për veprimet e Lëvizjes Vetëvendosje (LVV) – aksionet e organizuara, ka theksuar se secila parti e ka strategjinë e saj të veprimit.
“Natyrisht protesta është e mjet ligjshëm dhe demokratik. Reagimi i ashpër i policisë është jonjerëzor. Ka kaluar koha kur njerëzit duhet të arrestohen për propaganda – për trakte. Isa Mustafa të shkoqet nga mentaliteti që i ka shërbyer më herët – regjimi komunist dhe mos ta shtyp ata që kanë mendim ndryshe”, ka shtuar Berisha. /Telegrafi/