Në sallën “UNESCO” të Muzeut Historik Kombëtar në Tiranë, Ministria e Kulturës në bashkëpunim me stafin organizues të festivalit “Doku Fest”, organizuan të mërkurën në mbrëmje një aktivitet, ku përgjatë 6 orëve u shfaqen 3 filma pjesëmarrës nga edicioni i fundit i këtij festivali.
Bëhet fjalë për 3 filma me tematikë religjioze si, filmi “Ricardo Bär”(ora 18:00), një produksion argjentinas në regjinë e Nele Wohlatz, “Stop the Pounding Hear Promidis” (ora 20:00)“ një produksion amerikano-belg-italian, me regjinë e Roberto Minervinit(ora 20:00), dhe filmi “Journey to the Mount of Tomor” / “Voyage au mont Tomor”, një produksion francez i vitit 2013, me regji të Ilir Selimoski, u shfaqen në kuadrin e tematikës së javës informuese, që i paraprin vizitës së Papës në vendin tonë.
Drejtori ekzekutiv i Doku Festit, Eroll Bilibani, sqaron ideja për këtë aktivitet ishte e ministres Kumbaro pas konferencës për shtyp që patëm për edicion e 13-të të Doku Festit, këtu në Tiranë, prezantimit të programit të filmave me tematikë besimin (fenë) të quajtur “Belive it or Not” në Doku Fest, ministrja Kumbaro u sigurua që disa prej tyre, më të mirët nga ky program, të prezantohen edhe në kuadrin e aktiviteteve kulturore në lidhje me vizitën e Papa Françeskut.
Sipas tij, mesazhi që këta filma përcjellin, është ai i tolerancës fetare, pasi kjo e fundit është edhe arsyeja e ardhjes së Papës në Shqipëri, për të treguar që ky vend, është një model i mirë i bashkëjetesës dhe tolerancës fetare, dhe këta film në një formë e reflektojnë atë.