LDK-ja në Malishevë ka mbajtur tubim elektoral me banorët e qytezës së Malishevës. Të pranishëm në këtë tubim ishin,deputieti i Kuvendit të Kosovës nga radhët e LDK-së Anton Quni, kryetari i Degës Januz Kastrati, si dhe kandidati për Kryetar Komune Salih Morina.Kryetari i Degës Januz Kastrati tha se LDK-ja është më e përgaditur se kurr për t’i fituar zgjedhjet me në krye Salih Morinën.
“Të gjithë qytetarët e Malishevës pa dallim përkatësie politike po thonë se Salih Morinës do t’ia japim votën, sepse është politikan i nivelit të lartë, i përgaditur profesionalisht është njeriu më i besur i Isa Mustafës”, tha Kastrati.
“ Me ndihmen e Juaj Salih Morina, me 3 nëntor do të jetë Kryetar i Komunës dhe atë pa balotazh”.
Deputeti i Kuvendit të Kosovës Anton Quni, tha ndërkaq se sa herë që po vjenë në Malishevë, po bindet çdo here e më shumë për vlerat e LDK-së të cilat po shpërndahen në gjithë këtë vend, për kandidatin Salih Morina .
Kandidati i LDK-së për kryetar të Malishevës, Salih Morina, tha se qyteza e Malishevës e dëshiron ndryshimin dhe një qeverisje tjetër më të mirë nga kjo e cila ka qenë deri më sot.
Ai premtoi se do të angazhohet për shëndetësi, arsim, mirëqenje dhe zhvillim ekonomik për të gjithë qytetarët e Malishevës.” Kjo qytezë meriton përparim më të madh sepse ka dhënë kontributin e saj si para lufte, gjatë lufte, dhe pasë lufte”./PrizrenPress.com/
.