Kryetari i Lëvizjes Vetëvendosje, Dega në Prizren, Artan Abrashi, e ka përshëndetur fjalimin e sotëm të Vlora Çitakut në Këshillin e Sigurimit të Organizatës së Kombeve të Bashkuara, në të cilin deklarim ajo mbrojti Albin Kurtin pas akuzave të Ivica Daçiqit, kryediplomatit të Serbisë.
Pasi Albin Kurti u bë temë e diskutimit në Këshillin e Sigurimit në OKB pas akuzave të Ivica Daçiqit për liderin e Lëvizjes Vetëvendosje, Vlora Çitaku theksoi se në kohën kur ministri i Jashtëm serb kishte qenë ministër i regjimit të Slobodan Millosheviqit, “Kurti kishte qenë i burgosur politik në Serbi”.
E, Abrashi i Lëvizjes Vetëvendosje ka shprehur respekt për qëndrimin e Çitakut në OKB.
“Qëndrim për t’u përshëndetur #respekt”, ka thënë Abrashi, teksa ka shpërndarë fjalimin e Çitakut në seancën raportuese për Kosovën në KS të OKB-së.
Abrashi ka qenë pjesë e listës për deputetë të Lëvizjes Vetëvendosje në zgjedhjet parlamentare të 6 tetorit. /Insajderi.com