Boksieri shqiptar, Florian Marku, ka lajmëruar për ndeshjen e tij të radhës. Ajo do të zhvillohet në stadiumin “Air Albania” në Tiranë.
Marku ka njoftuar tifozët e tij nëpërmjet një statusi në Facebook se ndeshja do të zhvillohet këtë verë.
“Përshëndetje të gjithë shqiptarëve kudo që janë nëpër botë. Dua t’ju lajmëroj se ndeshja në stadiumin ‘Air Albania’ për këtë verë është vendosur”, shkruan Marku.
“Të shtunën iu tregoj datën e çdo detaj tjetër. Që kur kam qenë fëmijë ëndrra ime ka qenë të ndeshem në mes të Shqipërisë para jush. Mezi pres”, përfundoi ai.
Për herë të fundit në ring, Marku ishte më 2 prill të këtij viti, kur triumfoi ndaj Chris Jenkins në Newcastle, Angli. Ndeshje në të cilën mbrojti titullin ndërkombëtar IBF për peshat e lehta.
Lushnjari pas një serie grushtash, arriti ta nxirrte me KO britanikun në raundin e katërt.
Në karrierën e tij si profesionist ai numëron 11 fitore, shtatë nga të cilat me KO.
/Albanianpost.com