Radhë të gjata automjetesh për të hyrë nga Kosova në Shqipëri. Kjo fundjavë shënoi një tjetër fluks të lartë në doganën e Morinës.
Mbi 4 mijë autovetura dhe autobusë u përpunuan vetëm gjatë orëve të paradites, çka detyroi autoritetet të lehtësojnë procedurat për shtetasit kosovarë. Hapja edhe e korsive në sensin e kundërt ndihmoi që në pikën doganore të mos kishte vonesa.
Ashtu si vitet e kaluara, në akset rrugore që të çojnë drejt bregdetit ka patrulla të përbashkëta të policisë shqiptare dhe asaj kosovare, për të rritur sigurinë dhe lëhtësinë e lëvizjes së turistëve që pushojnë në plazhet shqiptare. /Tv Klan