Lideri i Partisë Demokratike të Kosovës, njëherit edhe shef në largim i Qeverisë së Kosovës, Hashim Thaçi, ende nuk deklarohet për ngjarjet e fundit me “Grupin e Drenicës” qysh pas vendimit të EULEX-it, për transferimin e tyre në veri të Mitrovicës.
Ai ka injoruar gazetarët kur e pyetën se çfarë po bëhet në Qendrën Klinike Universitare të Kosovës.
Kur është pyetur se çfarë po bëhet në QKUK, Thaçi është përgjigjur shkurt. “Tash kem në 11-të, faleminderit shumë…”
Kjo ka ndodhur pas nënshkrimit të një marrëveshje bashkëpunimi në mes të PDK-së dhe Shoqatës së të verbërve të Kosovës, e këta të fundit shprehën mbështetjen për Thaçin.
“Në përmjet këtij memorandumi synojmë mbështetjen për Shoqatën e të Verbërve në Kosovë, me qëllim të përmirësimit të mëtutjeshëm në infrastrukturë, për ofrimin e shërbimeve për qytetarët e verbër të Republikës së Kosovës”, shprehet Hashim Thaçi.
Shoqata kishte edhe një dhuratë për kryeministrin, siç ju referoheshin vazhdimisht përfaqësuesit e të verbërve në selinë qendrore të PDK-së.
Kryetari i tyre, Bujar Kadriu, thotë se ky memorandum personat e verbër i renditë si qytetarë të barabartë dhe dinjitetshëm, tranmseton express.
“Sot, foli me kompetencë të plotë çdo qytetarë i verbër, jeta e tij është e ndryshume për më thonë për 200 për qind”, thotë Kadriu.
Kundër të njëjtit vendim që nga orët e hershme të mëngjesit protestues, ish deputetë dhe familjarë vazhdojnë të qëndrojnë tek QKUK-ja, e numri i tyre vazhdon të rritet.
E në Mitrovicë, EULEX bënë me dije, se seanca për këtë grup ka fillur dhe aty ndodhen vetëm katër nga të pandehurit.