Ndërsa klubi mund të jetë në kërkim të një sulmuesi për sezonin e ardhshëm, me Robert Lewandowski, Erling Haaland dhe Romelu Lukaku që janë vendosur në radarin e tyre, Xavi Hernandez e ka bërë të qartë se skuadra e Barcelonës sezonin e ardhshëm do të ndërtohet rreth Ansu Fatit.
Trajneri katalanas dëshiron të përforcojë sulmin e tij përpara sezonit të ardhshëm, por është i vetëdijshëm se Ansu Fati do të jetë ylli i kësaj skuadre në të ardhmen, shkruan Marca, transmeton Klankosova.tv.
“Ai është një yll, ai mund të shënojë gola, është më e vështirë për të tjerët”, tha Xavi.
“Është një ndjenjë shumë e mirë ta kthesh atë. Ai gjithmonë shënon. Ai ka dy shanse dhe shënon njërin dhe tjetri, është i rrezikshëm”.
Jordi Alba, i cili shënoi një gol të vonë në ndeshjen kundër Real Betisit të dielën, gjithashtu përshëndeti virtytet e Ansu Fatit.
“Ai mund të shënojë gola”, vuri në dukje Jordi Alba.
“Ai është shumë i ri dhe mund ta bëjë këtë. Shansin e parë ose të dytë që ka pasur, ai ka shënuar”.
Statistikat mbresëlënëse të Ansu Fatit
Shifrat e Ansu Fatit në moshën 19-vjeçare nuk lënë vend për dyshime. Këtë sezon, ai ka shënuar gjashtë herë në 12 ndeshje, duke qenë jashtë fushës për 102 ditë për shkak të lëndimit.
Por, ai tani është kthyer dhe është në formë për ta mbyllur sezonin me stil.
Dëmtimet e kanë detyruar atë të humbasë 84 ndeshje që kur debutoi në 2019/20, por Ansu Fati shënon mesatarisht një gol çdo 88 minuta dhe vitin e kaluar ai shënoi pesë gola në 10 ndeshje.
Pas kthimit të tij nga dëmtimi më i fundit, ai kishte luajtur vetëm 15 minuta në ndeshjen kundër Real Mallorca.
Xavi më pas e futi në lojë 15 minuta para ndeshjes kundër Real Betis dhe ai shënon menjëherë.
Herën e dytë që ai preku topin, ai e kontrolloi atë brenda zonës përpara se ta dërgonte në pjesën e pasme të rrjetës.
Më vonë, Jordi Alba shënoi golin e fitores dhe Barcelona siguroi kualifikimin në Champions League për sezonin e ardhshëm.
Barcelona do të përdorë këtë pjesë të fundit të sezonit për të rizbuluar formën e saj.
Dhe sezonin e ardhshëm do të ketë një ekip të përbërë nga Ansu Fati dhe 10 të tjerë. Tashmë, mbetet për t’u parë nëse Xavi do ta përdorë atë si anësor apo sulmues qendre.