22.8 C
Prizren
E shtunë, 15 Qershor, 2024

Forumi Transparenca, sot organizon debat me studentët e UPZ-së

UPZ 45

Forumi Transparenca, sot organizon debat me studentët e UPZ-së
Forumi Transparenca organizon sot debat të hapur me studentë të Universitetit Publik të Prizrenit, me temën “Qeverisja Demokratike dhe Pjesëmarrja e Rinisë në Vendimmarrje”.

Debati mbahet në ora 11:00 në hapësirat e Universiteti Publik i Prizrenit.

Në këtë debat do të trajtohen tematikat që lidhen me qeverisjen demokratike dhe pjesëmarrjen e të rinjve në vendimmarrje, përfshirjen e të rinjve në hartimin e politikave publike sikurse për qeverisjen transparente ashtu dhe llogaridhënjen.

Debati do të zhvillohet në mes përfaqësuesve të Forumit Transparenca, EC Ma Ndryshe dhe Këshilli për Veprim Lokal Rinor në Prizren, me studentë të Universitetit Publik të Prizrenit “Ukshin Hoti”.

Panelistët do të paraqesin nga një rezyme të përgjithshme mbi këto tematika dhe pastaj do të iu ofrohet mundësia e studentëve që të adresojnë komente dhe çështje tjera që lidhen me këto tema.

Forumi Transparenca është themeluar në mars të këtij viti, si përpjekje e koordinuar e akterëve të shoqërisë civile dhe mediave në Prizren, të cilët kanë për synim rritjen e nivelit të transparencës dhe llogaridhënies së qeverisë lokale të Prizrenit. Ky trup joformal përbëhet nga aktivistë të shoqërisë civile dhe gazetarë të Prizrenit, të cilët janë aktiv në fushën e qeverisjes demokratike.

Më Shumë

Sot përurohet “Kalaja e UÇK-së” në fshatin Leskovec të Prizrenit

Sot, në orën 11:00, në Ditën e Çlirimit të Prizrenit, do të bëhet përurimi i “Kalasë së UÇK-së” në fshatin Leskovec. Kjo datë përkujton përvjetorin...

Zyrtare: Ballkani konfirmon largimin e Nazmi Gripshit

Ballkani ka bërë të ditur se Nazmi Gripshi nuk do të jetë lojtar i tyre. Kampioni i Superligës së Kosovës përmes një postimi në faqen...

Lajmet e Fundit