13 C
Prizren
E hënë, 12 Maj, 2025

Foto-skandali i Brovinës së PDK-së

Në ditën kur Kuvendi i Kosovës ka miratuar Rezolutën për gjenocidin e kryer nga Serbia në Kosovë, deputetja e PDK-së, Flora Brovina, ka shkaktuar skandal me një fotografi, për të cilën ajo tha se është pamje e dhunimit të një gruaje shqiptare nga forcat serbe, në kohën e luftës në Kosovë, vërtetësia e së cilës u vu në dyshim.

Pak orë pasi Brovina e tregoi fotografinë para gazetarëve të mbledhur në ndërtesën e Kuvendit të Kosovës, media të ndryshme, përfshirë portalin koha.net, raportuan për ueb-faqe irakiane që kishin fotografi që dukej e njëjtë, e që diku thuhej se ishte “dëshmi” për krimet e forcave amerikane ndaj grave në Irak, e diku prezantohej thjesht si një aktrim pornografik.

Brovina insistoi edhe mbrëmjen e së enjtes se fotoja e prezantuar prej saj është “e vërtetë” dhe se “dhunimi” i shfaqur në të “ka ndodhur në Kosovë”.

Koha Ditore nuk ka mundur të vërtetojë pohimet e Brovinës në mënyrë të pavarur, ndërsa postimet në ueb-faqet irakiane duket sikur janë bërë para shumë vitesh.

E vërteta e saktë ka gjasa se do të mundë të mësohet vetëm pas ekspertizës së fotove dhe ueb-faqeve, por qysh të enjten shumëkush ka shprehur dyshime në vërtetësinë e pretendimeve të deputetes së PDK-së, ndërsa Prokuroria e Kosovës ka hapur hetime rreth rastit.

Por edhe para hedhjes së dyshimit në vërtetësinë e fotove, janë bërë reagime të shumta kundër mënyrës si Brovina e PDK-së ka zgjedhur të “tronditë” publikun me foton diskutabile.

Më Shumë

Shtetasi turk theri për vdekje vajzën në Prizren, plagosi gruan dhe vajzën tjetër, Prokuroria atje del me njoftim të ri

Prokuroria Themelore në Prizren ka lëshuar një komunikatë për rastin e rëndë që ndodhi mëngjesin e së martës në Prizren. Bazuar në hetimin fillestar, dyshohet...

25 vjet nga vrasja e komandant Drinit, apel për drejtësi nga kryeministri Kurti

Zyrtarë të lartë të pushtetit qendror dhe të atij komunal kanë nderuar Ekrem Rexhën – Komandant Drinin në 25-vjetorin e vrasjes së tij. Kryeministri në...

Lajmet e Fundit