Asamblisti i Lëvizjes Vetëvendosje! në Prizren, Arbër Rexhaj, e ka quajtur “fut të zezë” kryetarin e Komunës, Ramadan Mujën.Sipas tij, Komuna e Prizrenit, nuk i përket qytetarëve.
“Komuna e Prizrenit më së paku i përket qytetarëve të saj. Kryetari i dënuar Ramadan Muja nuk takon rregullisht qytetarët, dhe as që ka caktuar ditë për vizitat e qyetarëve”, thotë Rexhaj.
Sipas tij, kryetari Muja nuk ka publikuar së paku një raport për gjashtëmujorin e punës.
“Kjo tregon se ai nuk është kryetar i qytetarëve”.
“Po ashtu ky Ekzekutiv anti- qytetar e anti- zhvillim nuk ka pasur raport për konsultimet e publikut dhe dëgjimet buxhetore. Kjo tregon se në qendër nuk e ka interesin e qytetarëve”.
Rexhaj thotë se Ramadan Muja është i vetmi kryetar në Kosovë,që nuk mban konferenca për shtyp.
“Një kryetar i cili nuk mban konferenca të rregullta për qytetarë tregon se fytyra e tij moti është bërë fut e zezë, duke përfaqësuar një pushtet që është kundër- qytetar”.
“Transparenca financiare është shtylla më e dobët e këtij pushteti dhe tregon se sa të korruptuar janë”.
“Komuna nuk ka publikuar raportet tre mujore të shpenzimeve. Shqetësuese po ashtu mbetet mos publikimi i raportit të ndërmarrjeve komunale”./PrizrenPress.com/